تيرا راى

تيرا راى (Tera Wray) (14 ابريل 1982 - 13 يناير 2016) ممثلة امريكية ، واسمها الحقيقى تيرا إليزابيث لنتس (Tera Elizabeth Lents) .

تيرا راى ولدت يوم 14 ابريل 1982 فى مدينة لويسڤيل، كنتاكى الامريكية ، ماكملتش دراستها الثانوية واشتغلت حكم لمباريات دورى الناشئين فى لعبة السوفتبول . وفى سنة 1999 لما كان عندها 17 سنة اتصابت بمرض سرطان المبيض لكنها شفيت منه عن طريق العلاج بالليزر من غير اللجوء للعلاج الكيماوى .

تيرا راى اشتغلت بعد كده جرسونة فى سلسلة مطاعم Hooters ، وفى نفس الوقت قدمت طلب لشركة Pleasure Productions لإنتاج الأفلام البورنوجرافية علشان تشتغل ممثلة لحساب الشركة . وفعلا فى سنة 2006 مضت مع الشركة دى عقد لمدة سنتين ودخلت فى مجال البورنوجرافى فى نفس السنة بعدما مثلت أول مشهد بورنوجرافى ليها لما مارست السكس مع الممثل البورنوجرافى لى ستون (Lee Stone) فى الفيلم البورنوجرافى Naughty Auditions ، وبعد كده مثلت أول مشهد ليزبيان مع الممثلة البورنوجرافية نيكى هانتر (Nicki Hunter) .

تيرا راى كانت هى والممثل البورنوجرافى مارك زين (Mark Zane) أول ممثلين بورنوجرافيين يمارسوا السكس مع بعض فى نفس الوقت اللى كان بيترسم وشم على جسمها وعلى جسمه ، وده حصل فى مشهد من فيلم Tattooed & Tight سنة 2007 .

فى صيف 2007 كانت تيرا راى سافرت مع فرقة Ozzfest لموسيقى الميتال وصاحبها مطرب الميتال البريطانى اوزى اوزبورن (Ozzy Osbourne) بصفتها موديل عريان لحساب مجلة Hustler الراعية لرحلة الفرقة فى ولايات امريكا ، واتعرفت عن طريقها على المطرب واين استاتيك (Wayne Static) ونشأت بينهم قصة حب قرروا بعدها أنهم يتجوزوا . وفى يوم 10 يناير 2008 اتعمل فرح كبير لتيرا راى و واين استاتيك (Wayne Static) فى مدينة لاس ڤيجاس بولاية نيفادا الامريكية ، وعاشوا بعد كده فى شقة بمدينة لاندرز، كاليفورنيا الامريكية .

فى شهر اغسطس 2008 اعلنت تيرا راى اعتزالها لشغلها فى مجال البورنوجرافى ، وده كان بعد مشوار قصير لكنها اترشحت فيه للجوايز دى :

• 2008 F.A.M.E Award التصفيات النهائية للنجمة الجديدة المفضلة .
• 2008 AVN Award أحسن نجيمة جديدة .
• 2008 AVN Award أفظع مشهد سكس مع الممثل البورنوجرافى مارك زين (Mark Zane) عن فيلم Tattooed & Tight
• 2008 XBIZ Award نجيمة العام الجديدة
• 2009 AVN Award أحسن مشهد ليزبيان جماعى عن فيلم The Orifice
• 2009 AVN Award أفظع مشهد سكس عن فيلم Tattooed & Tight 3

فى سنة 2009 ظهرت مع جوزها واين استاتيك (Wayne Static) فى الڤيديو كليب المصور لأغنيته الجديدة وقتها Stingwray من ألبوم Cult of Static .

فى يوم 1 نوفمبر 2014 ، مات واين استاتيك (Wayne Static) فى بيته بمدينة لاندرز بولاية كاليفورنيا نتيجة جرعة زيادة من المخدرات اللى بيتعاطاها كان اخدها قبل ما يمارس السكس مع مراته تيرا راى . ومن وقتها اصبحت تيرا راى أرملة وهى لسه فى عز شبابها ودخلت فى حالة اكتئاب حادة .

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

 وفاتها

فى يوم 13 يناير 2016 انتحرت تيرا راى وهى فى شقتها بمدينة لاندرز بولاية كاليفورنيا بعدما بلعت عدد كبير من الحبوب المنومة ، واكتشفت خدامتها اللى كانت عايشة معاها وجود جثتها فى يوم 14 يناير 2016 يعنى تانى يوم وفاتها وكان جنب الجثة رسالة منها لخدامتها نبهت عليها فيها أنها تبلغ أمها والمحامى بتاعها أنها انتحرت .